Тропски принт: Одлични начини да го носите во текот на најтоплите месеци од годината
Дали има нешто подобро од егзотичниот тропски дезен, за носење во текот на најврелите денови од годината, особено за на одмор, покрај море или езеро? Ние би рекле не. Апликациите со палми, ананаси и тропски прашуми се вистински синоним за лето и затоа не треба да ја пропуштите приликата оваа сезона да се носите во духот на Јамајка, Малдиви и Бразил.
Сам по себе тропскиот принт е впечатлив, забавен, шарен, па ќе ви биде доволен само еден детаљ, на пример маица, шорц, марама за коса или горен дел од костим за капење за да изгледате летно и разиграно.
Секако, тропскиот принт не е резервиран само за на плажа, па ќе пронајдете инспирација да го вклучите во вашиот денски изглед во варијанти од глава до петици или пак само во едно парче облека или моден детаљ.
Во продолжение ќе пронајдете идеи кои ќе ве инспирираат да постанете вистинска тропска принцеза на плажа ова лето.
