Како да бидете здрави кога патувате | | Trendseteri
Menu

Како да бидете здрави кога патувате

Како да бидете здрави кога патувате

 

 

Ќе одите на некое убаво место? Да се ужива во одморот не значи да им се препуштиме на нездравите навики. Еве кои 5 чекори ви ги препорачувамe за да останете во добар правец:

1. Пристигнете одморени

Ако сакате да бидете активни на одмор и да избегнувате стрес, што често не’ тера да посегнуваме по нездрава храна, важно е на дестинацијата да стигнете опуштени. Тампони за уши, маска за очи, перниче за врат, специјални чорапи доколку летате ќе ви го направат патувањето попријатно и ќе ви помогнат да се чувствувате одморено и да бидете полни со енергија кога ќе пристигнете.

2. Испланирајте физички активности

Внимавајте да не си кажете ‘сум отишол да се одморам, не да се мачам’. Вежбањето не е казна затоа не заборавајте да ја спакувате опремата за вежбање. Облеката за вежбање е практична и малку тежи, дури нешто може да носите додека патувате за да ви биде удобно. Пред да тргнете, разгледајте некои рути за трчање или видете дали хотелот има фитнес сала, а физичката активност нека ви биде дел од одморот на тој начин што ќе го истражувате местото пеш или со велосипед.

3. Имајте контрола врз храната

Храната по аеродроми, автобуски, пумпи и слично обично е преполна со нездрави висококалорични состојки, па спремете си практична храна со контролиран број калории што може да ја јадете кога сте во движење, на пример, здрави протеински барови или овошје и јатки итн.

4. Пијте вода во изобилство

Одржувајте ја хидрацијата на телото додека патувате и во текот на целиот одмор за телото да функционира како што треба. Не заборавајте: ако вежбате и/или се потите на повисоки температури ќе треба да пиете течности и повеќе отколку што вообичаено пиете.

5. Нема оправдувања: вежбајте секаде!

Со 15 минути вежбање секој ден додека сте на одмор не само што ќе останете во колосек кон постигнување на своите цели, туку и ќе се чувствувате поубаво и повеќе ќе можете да уживате во малите задоволства. Различни вежби може да ги правите секаде, во секое време, и за нив воопшто не ви треба опрема. Повторувајте ги колку пати сакате и не заборавајте да се истегнете пред и по вежбање.

 

The Better Nutrition

#HFWEXPO   Park Hotel & Spa

Mесец на девиците

Месец на Раковите
NOA Lounge Bar - Ohrid