Додавање килажа во мускул не се заснова на поголем внес на само еден нутритент | | Trendseteri
Menu

Додавање килажа во мускул не се заснова на поголем внес на само еден нутритент

Додавање килажа во мускул не се заснова на поголем внес на само еден нутритент

 

 

 

Многу мажи се обидуваат да се набилдаат, а истовремено се обидуваат и да согоруваат масти. Но, понекогаш методите што ги користат за да ги постигнат овие цели се контрадикторни. Внесуваат голема количина протеин, што во комбинација со вежби за сила, треба да помогне во градење мускулна маса. Но, знаат и премногу да го намалат внесот на калории во обид да го обликуваат телото.

Ова може да биде проблем. Ако премногу ги намалите калориите, дел од протеинот што го внесувате ќе се користи како гориво за телото, а не за да се изградат мускули. За ефикасно да изградите мускулна маса треба да внесувате доволно калории кои ќе бидат поткрепа за вашата физичка активност, но и да поставите правилна рамнотежа меѓу нутриентите.

Јаглехидрати:

Многу луѓе сметаат дека јаглехидратите им се непријатели, но тоа може да е погрешно. Да, високорафинираните јаглехидрати и слатката храна воопшто не се добри за телото. Но, здравите јаглехидрати што ги има во интегрални житарки, мешунки, овошје и зеленчук ви даваат гориво за физичка активност, како и за вежбање на мускулите. Ако не внесувате соодветна количина јаглехидрати за да го снабдите телото со гориво за вежбање, тоа ќе потроши дел од протеините што сте ги внеле. Па, за да не си ги потрошите сите резерви, внесувајте доволна количина висококвалитетни јаглехидрати.

Масти:

Некои спортисти понекогаш ја потценуваат улогата на мастите во исхраната. Исто како јаглехидратите, и мастите ги бие лош глас. Навистина е важно да внесуваме мали количини здрави видови масти. Причината за ова е дека одредени масни киселини, составните елементи на хранливите масти, се неопходни бидејќи не се создаваат во телото. Масните киселини се главна компонента во структурата на мембраната на секоја клетка, па тука спаѓаат и мускулните клетки. Телото ги користи мастите за да се снабди со гориво за време на долготрајни вежби со умерен интензитет. Овој тип вежби може да се прават во комбинација со вежби за сила за да се изгради мускулна маса и за да се намали масното ткиво. Фокусирајте се на добри извори како што се: јаткасти плодови, семки, риба, маслиново масло и авокадо.

Протеин:

За да се стимулира изградба на мускулна маса е важно да се внесува соодветна количина протеин, но важно е и времето кога се внесува протеинот. Вежбите за сила го поттикнуваат процесот на синтеза на протеин во мускулите. Но, овој процес се активира и кога внесуваме протеин. Ова е една од причините зошто спортистите што прават вежби за сила треба рамномерно да внесуваат протеин со секој оброк или ужина во текот на денот. Процесот на синтеза на протеин во мускулите е позабрзан на овој начин отколку на начинот што повеќе се практикува: мала количина протеин наутро, малку поголема за ручек и голема количина за вечера.

И растителните и животинските извори ги содржат потребните составни елементи за синтеза на протеин во мускулите. Протеините што се варат брзо, како што е протеинот од сурутка, се богати со аминокиселината леуцин што го поттикнува процесот на синтеза на протеин во мускулите. А, протеините што се варат побавно, како што е казеинот, може да помогнат во продолжување на процесот на синтеза на протеин во мускулите.

Од оваа гледна точка, не може да кажеме дека протеините што се варат брзо се подобри од протеините што се варат бавно или обратно. Она што е важно да се знае е дека може да внесуваме протеин и од растително и од животинско потекло. Дури и вегетеријанците или веганите, ако внимателно го испланираат вкупниот протеински внес, може да внесат доволно протеин за да изградат мускули.

The Better Nutrition..

#HFWEXPO   Park Hotel & Spa

Mесец на девиците

Месец на Раковите
NOA Lounge Bar - Ohrid